Thailand school attack: At least 37 pipo die inside day care centre shooting


At least 37 pipo don die and odas injure inside one gun and knife attack by one former police officer for one pre-school child daycare centre inside Thailand.

Police say e kill imself and im family afta one manhunt following di attack for Nong Bua Lamphu province.

Children and adults dey among di casualties for di nursery – police say di attacker shoot and stab im victims before going on di run.

Di motive no clear. Police say dem dismiss di officer last year.

Di victims of di attack dey reported to include children as young as two. At least 12 pipo also wound.

“Di shooter come in around lunch time and shoot four or five officials for di childcare centre first,” one local official Jidapa Boonsom, wey dey work nearby, tell Reuters news agency.

“At first pipo bin tink say na fireworks,” she tok, adding say di gunman den force im way enter di locked room wia di children bin dey sleep.

Thai Prime Minister Prayuth Chan-ocha describe di shooting as “a shocking event”.

Police name di attacker as Panya Kamrab. E run comot di scene inside a white-four door Toyota pick-up truck with Bangkok registration plates.

Mass shootings for Thailand no common although gun ownership rates dey somehow high for di region. Illegal weapons dey also common for di south-east Asian kontri, according to Reuters news agency.

Di nursery attack dey come less dan a month afta one army officer shoot dead two of im colleagues for one base for Bangkok.

For 2020, one soja kill 29 pipo and injure dozens more for di city of Nakhon Ratchasima.

About the author

Olivia Wilson
By Olivia Wilson


Get in touch

Content and images available on this website is supplied by contributors. As such we do not hold or accept liability for the content, views or references used. For any complaints please contact Use of this website signifies your agreement to our terms of use. We do our best to ensure that all information on the Website is accurate. If you find any inaccurate information on the Website please us know by sending an email to and we will correct it, where we agree, as soon as practicable. We do not accept liability for any user-generated or user submitted content – if there are any copyright violations please notify us at – any media used will be removed providing proof of content ownership can be provided. For any DMCA requests under the digital millennium copyright act
Please contact: with the subject DMCA Request.